STARBUCKS  أكبر بنك في العالم مش مجرد كافيه

بقلم/ خالد سليم (خبير عقاري) 

قصة STARBUCKS

هى دليل فعلى يلزم كل شركة بالتطوير المستمر لان السوق عامل ذى البحر اللى كل يوم الموج بيعلى فيه و شركتك ذى المركب لو محاولتش تطور من شركتك هتروح ذى اللى اكبر منك ماراحوا بسبب عدم وجود ثقافة التطوير ذى ياهووو و كوداك و نوكيا و غيرهم كتير.

من هنا البداية
ذى ما قريت كدهSTARBUCKS اكبر بنك فى العالم مش مجرد كافيه لأن STARBUCKS عنده أكتر من 32 ألف فرع على مستوى العالم بالمقارنة مع HSBC
اللى بيمتلك 4 الاف فرع على مستوى العالم طب ازاى بقى من كافيه بقى بنك هقولك بس خلينى اقولك من البدايةاللى كانت عند مؤسس الشركة GORDON BOWKER.

رجل اعمال امريكى الجنسية كان فى ايطاليا بيتفسح و كان قاعد فى كافيه فى روما و طلب قهوة و عجبتة جدا لان فى الوقت ده مكنش فى امريكا غير البن العربى ايوه البن العربى فى السبعينات ففكر لما يرجع امريكا انه يجتمع مع اصدقائة و يعملوا محل بن ايطالى يبيع البن و المكينة و فعلا عمل الشركة و فتح اول محل بن ايطالى فى امريكا سنة 1971 وكان اول محل بيبيع البن الايطالى و معاه COFFEE MACHINE.

و فعلا الفكرة نجحت و للعلم لايوجد عمل اى نوع قهوة داخل المحل لان المحل كان بيبع البن و
COFFEE MACHINE فقط و بعد نجاح الفكرة الفرع بقى 4 فروع و فى سنة 1981 كان فى واحد اسمة HOWARD SCHULL اللى هو OWNER STARBUCKS حاليا كان شغال سيلز فى شركة بينها و بين STARBUCKS شغل و لاحظ ان كمية الاوردارات كبيرة جدا رغم ان نسبيا شركة جديدة و كان هدفة فى الوقت ده انه يكون جزء من الشركة دى عشان لما تكبر يكبر معاها فضل لمدة سنة يحول يقدم على الشغل فيها و يترفض لحد سنة 1982 اتقبل و اشتغل رئيس قسم التسويق و فى سنة 1983 سافر شغل فى ايطاليا و هو فى ايطاليا قعد فى اكتر من كافيه و لاحظ حاجة غريبة جدا ان الكافيه هناك مش بس بيبيع بن لا و كمان بيقدم طلبات قهوة جاهزة وناس كتير بتقعد على الكافيه مع اصحبهم و كمان اللى رايح على الشغل و بيعدى ياخد القهوة بتعتة و غير اللى قعد بيشتغل و هو بيشرب القهوة .. اللى هو العادى بتاع دلوقتى.. لكن لاحظ كمان فى الكافيهات دى ان العاملين عارفين اسماء العملاء و بيكتبه اسماهم على الكوبيات و تخلص وينادى على صاحب الاوردر و الفكرة عجبتة جدا و كان راجع امريكا بكل حماس عشان يعرض على مجلس الادارة وينقل الشركة نقلة تانية و فعلا عرض على الادارة الفكرة لكن للاسف اترفضت الفكرة كليا لكن SCHULL
مستسلمش و فضل سنتين يحاول يقنع فيهم لحد ما فقد الامل انهم ينفذوا الفكرة و فى سنة 1985 قدم استقالتة و اسس شركة اسمها IL GIORNALE اللى هى جريدة بس بالغة الفرنسية بيبيع فيها بن ايطالى و كمان بيقدم قهوة جاهزة .طبق الفكرة اللى شافها فى إيطاليا.

وفعلا الشركة خلال سنتين حققت نجاح كبير و فتح اكتر من فرع فى اكتر من مدينة و فى 1987 عرف ان اصحاب STARBUCKS عايزين يبيعوا الشركة و قام SCHULL باجتماع مع الشركاء اللى معاه وكمان مستثمرين عشان يقنعهم بشراء STARBUCKS
و هنا تحصل المفاجاءه ان احد المستثمرين اللى كان معتمد عليه اعتمد كبير يروح من دون علمه
SCHULLلاصحابSTARBUCKS و يعرض عليهم مبلغ اكبر عشان يشترى لوحده STARBUCKS
لكن SCHULL مسكتش و راح لاحد الشركاء اللى معاه و حكي له اللى حصل و صاحبه خده و راحوا ل بيل جيتس سينيور اللى هو ابو بيل جيتس ايوه ابو بيل جيتس اللى تعرفة راجل ليه نفوذ فى الوقت ده وحد لى كلمة و كل واحد بيعملة الف حساب و كان طولة اتنين متر و فعلا اقتحم المكتب على المستثمر اللى لف من ظهر SCHULL وهدد الراجل ده (( فى حالة عدم انسحابك هيحصلك مشاكل كبيره)) و فعلا بعد المستثمر عن فكرة الشراء نهائيا( على فكرة الكلام ده حصل بجد ).

وأخيرا SCHULL جاءت له الفرصه انه يحقق اللى كان بيحلم بيه انه يحولSTARBUCKS
الى كافيه و عمل ده عن طريق دمج لشركتة مع STARBUCKS.

وفى آخر سنة 1987 SCHULL بقى CEO STARBUCKS، وقتها كان عدد الفروع اقل من 20 فرع داخل امريكا و من بعد ما مسك عدد الفروع فضل يزيد بشكل مش طبيعى لدرجة ان جه وقت بيفتح 7 فروع فى اليوم الواحد و النهاردة فى اكتر من 32الف فرع حول العالم و كل ده بدون اى
FRANCHIS عشان الفريق المسوؤل عن التوسع بقى محترف لدرجة ان فى حاجة فى العقارات فى امريكا اسمها FRAPPUCCINO EFFECT.

بمعنى ان البيوت العادية فى امريكا من 1997 الى 2014 زادت بنسبة 65% اما البيوت اللى بجوار
STARBUCKS زادت بنسبة 96% يعنى اكتر من الطبيعى مرة و نص يعنى و انت بتشترى فى العاصمة الادارية الجديدة او التجمع شوف
STARBUCKS فاتح فين و اشترى جمبة
و كل اللى فات ده قصة و اللى جى قصة تانية خالص
( كيم جيم طاى ) الراجل ده CEO – KEB HANA BANK تالت اكبر فينينشيل جروب فى كوريا قال ان
STARBUCKS
اتحول الى اكبر بنك مخالف و ان القهوة دى مجرد كافر وده بسبب فكرة SCHULL انه عمل تطبيق لـ
STARBUCKS على الموبيل بتشحن و فى اى وقت و من اى فرع تدخل وتاخد مشروبك عن طريق اسكان بالموبيل و كل ما تشرب تاخد بونص او عدد من النجوم اللى تخليك تاخد مشروب مجانا على عدد النجوم او النقط و بسبب ده دلوقتى اكتر من 41% من الكندين بيستخدموا تطبيق STARBUCKS، ونتيجة لى ده طبعا ال BALANCE وصل عنده فى 2019 1.5 مليار دولار و للعلم 85% من بنوك امريكا ماتحتكم على الرقم ده و للعلم الفلوس دى مينفعش تسحبها كل اللى تقدر تعملة انك تشترى بيها قهوة من االتطبيق بتاعك غير البنك ان فى اى وقت تقدر تسحب فلوسك.

ونتيجة لكده STARBUCKSعنده امكنيات مش عند اى شركة تانى بتنفسها فى العالم وده السبب الرئيسى اللى مخلى STARBUCKS رقـــم 1 في العالم في مجاله.