- مباراة بيراميدز في نهائي كأس مصر بالنسبة لنا حدث كبير جداً، ومواجهة مهمة جداً لنادي الزمالك
- إحنا وصلنا لحالة كويسة جداً قبل الماتش، رغم إننا تولينا المسؤولية الفنية من حوالي 3 أسابيع وشوية أيام
- بشكر اللعيبة شكر عميق على تركيزهم والتزامهم، أنا بصراحة اتعاملت مع لعيبة ممتازين
- عمري ما كنت أتخيل إنهم في وقت قصير جداً يقدروا يستوعبوا ملامح طريقة اللعب اللي أنا شغال بيها، وده شيء إيجابي جداً
- كل اللي بطلبه إن التوفيق يكون معانا في الماتش، لإن دي خطوة كبيرة جداً علشان نسعد الملايين من جمهور الزمالك
- بحب أكرر شكري لعدد من اللعيبة الكبار في الفريق، زي شيكابالا، وعمر جابر، وعبد الله السعيد، الناس دي ساعدوني كتير جداً، وأنا كنت سعيد جداً بالشغل معاهم وبأفكارهم
- أنا عندي فرقة مجتهدة جداً، وكل اللي اتقال في الفترة اللي فاتت كان مجرد “زوبعة في فنجان”، لإن عندي مجموعة لعيبة مميزة جداً
- كل اللي بطلبه من اللعيبة إنهم يثقوا في نفسهم، ويلعبوا بشجاعة، ومايخافوش، أنا عايزهم يصدقوا في نفسهم لأنهم يستاهلوا
- قبل ما أشتغل في الزمالك، كنت شايف اللعيبة بشكل معين، بس بعد ما اشتغلت معاهم اكتشفت قد إيه هم لعيبة كبار بجد
- للأسف في حاجات كتير اتقالت غلط على الفريق، بس لما اشتغلت معاهم لقيت إنهم فعلاً نخبة لعيبة مصر
- الناس اللي بتقلل من الفريق هيشوفوا في ماتش بيراميدز، واللعيبة دي هتثبت إنها قادرة تقف في المواقف الكبيرة وتكون قدها
- اللعيبة دي اتظلمت كتير في اللي اتقال عليهم، لكن هم محترفين جداً، وبيحبوا النادي وبيخلصوا له، واشتغلت معاهم في ظروف صعبة جداً ومعدنهم الحقيقي ظهر في كل تدريب، وعايزهم يلعبوا بحرية ويتحرروا من الضغوط، وأي نتيجة إيجابية هتكون بسبب شطارتهم وكفاءتهم
- إحنا دخلنا معسكر بدري علشان نكون قريبين من بعض، ونقرأ أفكار بعض، خصوصاً إن وقت التدريب قليل جداً، والوقت بيقتلنا حرفياً والمعسكر بالنسبة لنا مهم جداً علشان نجهز نفسنا بشكل أفضل
- أما بخصوص اللعيبة المصابة، فأكتر سؤال اتسألته من أول ما جيت هو: “إيه أخبار المصابين؟” السؤال ده تقريباً لو بحثت في جوجل هتلاقيه أكتر سؤال اتسأل لمدير فني في تاريخ الكرة، مش بس في مصر، في العالم كله
- المشكلة مش في الإصابة نفسها، المشكلة في مدى جاهزية اللعيب بعد الإصابة، هل يقدر يلعب فوراً ولا لأ؟ ممكن اللعيب يكون خف من الإصابة، لكن مش جاهز فنياً وبدنياً إنه يلعب ماتش مهم زي النهائي والتقييم بيكون على حسب جاهزيته الفنية مش بس الطبية
- بيراميدز توج بافريقيا هتستعد ليهم ازاي؟ أنا كل تركيزي مع فريقي، مش المنافس، أنا بحترم بيراميدز جداً وبحترم قدراتهم
- لكن النهائي حتى لو قدام اي فريق ثاني هو مش ماتش سهل خالص، ومحتاجين نكون في قمة التركيز والجهد
- بتمنى التوفيق لينا في ماتش بيراميدز، خاصة في وجود جماهير الزمالك اللي هما الحلقة الأقوى، ودعمهم بيفرق جداً
- جمهور الزمالك هو أهم حاجة عندي، وبنحتاجهم جداً في ماتش بيراميدز، وإن شاء الله نفرحهم
